Zabalbideak Eguneko Arretarako Zerbitzu bat da, foru titulartasunekoa, Bizkaiko Foru Aldundiak finantzatua, Emankor Sareak garatua eta Inklusiorako Zerbitzua erabiltzen duten gazteei zuzendua (18-23 urte). Beraren eginkizun nagusia da integrazio soziolaboralaren alde egitea eta kolektibo horren autonomia eta independentzia pertsonala sustatzea.
Horretarako, Zabalbideak-ek hainbat jarduera eta prestazio betetzen ditu, babes integrala eta akonpainamendu indibidualizatua eskainiz, erabiltzaile bakoitzaren beharretan oinarrituta diseinatutako Arretarako Plan Indibidualean ezarritakoaren arabera.
Gizarte-bazterketa prebenitzeko eta erreferentziazko figura heldu egonkorrik ez duten gazteen emantzipazio-prozesuak sostengatzeko xedez, zerbitzuak diziplina anitzeko talde sendo baten sostengua du, funtsezko alderdietan laguntzeko eta orientatzeko, hala nola, prestakuntza, laneratzea, sostengu pertsonala, gizarte-laguntzako sarea sortzea, etxebizitza bilatzea, kudeaketa administratiboaren eta norberaren ekonomiaren tramitazioa, eta abar.
